“ოქროს რიცხვი-2019“ დასავლეთის კონფერენცია ჩატარდა.
საქართველოს პროფესიონალ ქიმიკოსთა ასოციაციამ, მასწავლებელთა პროფესიული განვითარების ეროვნული ცენტრის, ათასწლეულის გამოწვევის ფონდის – საქართველოს „მასწავლებელთა და სკოლის დირექტორთა პროფესიული განვითარების“ პროექტის ფარგლებში, 25 მაისს მოსწავლეთა და მასწავლებელთა "ოქროს რიცხვი-2019"-ის დასავლეთ კონფერენცია ჩაატარა. კონფერენციას მასპინძლობდა აკაკი წერეთლის სახელმწიფო უნივერსიტეტი.
კონფერენციაში 100-ზე მეტი მასწავლებელი და მოსწავლე მონაწილოებდა. წარმოდგენილი ზეპირი და სტენდური მოხსენებები. კონფერენციის გახსნას მიესალმნენ აკაკი წერეთლის სახელმწიფო უნივერსიტეტის რექტორი, პროფესორი როლანდ კოპალიანი და აკაკი წერეთლის სახელმწიფო უნივერსიტეტის ქიმიური და გარემოსდაცვითი ტექნოლოგიების დეპარტამენტის ხელმძღვანელი, პროფესორი ინგა ბოჭოიძე.
პროექტი მიზნად ისახავდა, ქიმიის, როგორც ერთ-ერთი საბუნებისმეტყველო დისციპლინის პოპულარიზაციას, აღნიშნული დისციპლინით დაინტერესებული მოსწავლე-ახალგაზრდობის გამოვლენას, მოსწავლეთა და მასწავლებელთა მომზადებას საერთაშორისო კონფერენციებში მონაწილეობის მისაღებად, მოსწავლეთა ადრეული ასაკიდანვე ჩართულობას სამეცნიერო-კვლევით პროექტებში, ქიმიის მასწავლებელთა პროფესიული უნარების განვითარებას საჭიროებებზე მორგებული სამუშაო შეხვედრების ჩატარებით, საქართველოს სკოლებში ნორჩ-ქიმიკოსთა კლუბების ქსელის შექმნას და ქიმიის მასწავლებელთა შორის თანამშრომლობის კულტურის გაძლიერებას.
კონფერენციაზე, საქართველოს პროფესიონალ ქიმიკოსთა ასოციაციის თავმჯდომარემ, ელიზბარ ელიზბარაშვილმა, შეაჯამა გაწეული საქმიანობა. კონფერენციის მონაწილეებმა ისაუბრეს როგორც მიღწევებზე, ასევე, სამომავლოდ აუცილებლად განსახორციელებელ საქმიანობებზე და თავიანთი გამოცდილება გაუზიარეს კოლეგებს.
მნიშვნელოვანია, რომ კონფერენციაში მონაწილეობდნენ ნორჩ ქიმიკოსთა კლუბის წევრი მოსწავლეები და მათ, პროექტის მიმდინარეობისას განხორციელებული კვლევითი პროექტების შედეგები, პოსტერული მოხსენებით წარმოადგინეს კონფერენციაზე.
კონფერენციის მონაწილეები შეთანხმდნენ, რომ კონფერენცია ყოველწლიური უნდა გახდეს, რაც ხელს შეუწყობს როგორც ქიმიის სწავლებას და პოპულარიზაციას, ასევე კოლეგებსა და მოსწავლეებს შორის თანამშრომლობას.
“ოქროს რიცხვი-2019“ აღმოსავლეთის კონფერენცია ჩატარდა.
საქართველოს პროფესიონალ ქიმიკოსთა ასოციაციამ, მასწავლებელთა პროფესიული განვითარების ეროვნული ცენტრის, ათასწლეულის გამოწვევის ფონდის – საქართველოს „მასწავლებელთა და სკოლის დირექტორთა პროფესიული განვითარების“ პროექტის ფარგლებში, 19 მაისს, მოსწავლეთა და მასწავლებელთა კონფერენცია "ოქროს რიცხვი" ჩაატარა. კონფერენცია საქართველოს აგრარული უნივერსიტეტში გაიმართა.
პროექტი მიზნად ისახავდა, ქიმიის, როგორც ერთ-ერთი საბუნებისმეტყველო დისციპლინის პოპულარიზაციას, აღნიშნული დისციპლინით დაინტერესებული მოსწავლე-ახალგაზრდობის გამოვლენას, მოსწავლეთა და მასწავლებელთა მომზადებას საერთაშორისო კონფერენციებში მონაწილეობის მისაღებად, მოსწავლეთა ადრეული ასაკიდანვე ჩართულობას სამეცნიერო-კვლევით პროექტებში, ქიმიის მასწავლებელთა პროფესიული უნარების განვითარებას საჭიროებებზე მორგებული სამუშაო შეხვედრების ჩატარებით, საქართველოს სკოლებში ნორჩ-ქიმიკოსთა კლუბების ქსელის შექმნას და ქიმიის მასწავლებელთა შორის თანამშრომლობის კულტურის გაძლიერებას.
პროექტის ფარგლებში, საქართველოს 12 რეგიონში ჩატარდა 124 სამუშაო შეხვედრა. სამუშაო შეხვედრებს ესწრებოდა ხუთასამდე მასწავლებელი. საქართველოს მასშტაბით შექმნილია 321 ნორჩ ქიმიკოსთა კლუბი და მათი რიცხვი თანდათან იზრდება. კლუბების მიერ განხორციელებული პროექტების ნახვა შესაძლებელია ელექტრონულ მისამართზე. ნახვა
კონფერენციაზე, საქართველოს პროფესიონალ ქიმიკოსთა ასოციაციის თავმჯდომარემ, ელიზბარ ელიზბარაშვილმა, შეაჯამა გაწეული საქმიანობა. კონფერენციის მონაწილეებმა ისაუბრეს როგორც მიღწევებზე, ასევე, სამომავლოდ აუცილებლად განსახორციელებელ საქმიანობებზე და თავიანთი გამოცდილება გაუზიარეს კოლეგებს.
მნიშვნელოვანია, რომ კონფერენციაში მონაწილეობდნენ ნორჩ ქიმიკოსთა კლუბის წევრი მოსწავლეები და მათ, პროექტის მიმდინარეობისას განხორციელებული კვლევითი პროექტების შედეგები, პოსტერული მოხსენებით წარმოადგინეს კონფერენციაზე.
კონფერენციის მონაწილეები შეთანხმდნენ, რომ კონფერენცია ყოველწლიური უნდა გახდეს, რაც ხელს შეუწყობს როგორც ქიმიის სწავლებას და პოპულარიზაციას, ასევე კოლეგებსა და მოსწავლეებს შორის თანამშრომლობას.
სრული ინფორმაცია კონფერენციის შესახებ შეგიძლიათ იხილოთ მის ოფიციალურ ვებგვერდზე: ნახვა
კონფერენციის ამსახველი ფოტო კოლაჟი იხილეთ ბმულზე.
“ოქროს რიცხვი-2019“ დასავლეთის კონფერენცია ჩატარდება 25 მაისს ქუთაისში აკაკი წერეთლის სახელმწიფო უნივერსიტეტში.
No comments:
Post a Comment